کراچی بلدیہ وسطی کے اسکولوں میں طلبہ کو مفت کتابیں تقسیم

شیئر کریں:

کراچی میں تدریسی عمل کے آغاز کے ساتھ ہی بلدیہ وسطی کے اسکولوں میں طالبعلموں کو مفت کتابوں کی فراہمی کا سلسلہ بھی شروع ہو گیا ہے اس سلسلے میں بلدیہ وسطی کے محکمہ تعلیمات میں ایک تقریب کا انعقاد ہوا

ایڈمنسٹریٹر بلدیہ وسطی سید محمد علی زیدی نے اسکولوں کے پرنسپلز میں کورس تقسیم کئے جو اسکولوں کے بچوں میں مفت دیئے جائیں گے ڈائریکٹر ایجوکیشن بلدیہ وسطی محمد اسلم خان، ڈپٹی ڈائریکٹرز، اکیڈمک کمیٹی کے ممبران ودیگر بھی اس موقع پر موجود تھے- ایڈمنسٹریٹر نے اساتذہ پر زور دیا کہ وہ مستقبل کے معماروں کی آبیاری میں اپنا کردار احسن طریقے سے انجام دیں۔
انہوں نے مزید کہا کورونا وبا کے باعث پیدا ہونے والے ناموافق حالات کے تناظر میں اساتذہ پر بھاری ذمہ داری عائد ہو تی ہے کہ وہ تعلیمی عمل کو موثر انداز میں جاری رکھیں۔ واضح رہے کہ بلدیہ وسطی کے 135اسکولوں میں دس ہزار سے زائد طلبا زیر تعلیم ہیں اور موجودہ تعلیمی سیشن کے لئے داخلوں کا سلسلہ بھی جاری ہے۔


شیئر کریں: