کراچی کی عدالت سے ملزم ہتھکڑی سمیت پولیس حراست سے فرار

شیئر کریں:

کراچی میں عدالت کے احاطے سے ملزم ہتھکڑی سمیت فرار ہونے میں کامیاب ہو گیا۔ ملزم عبدالہادی کو
ملیر کی عدالت میں پیشی کے لیے لایا گیا تھا۔

ملزم پولیس کی حراست سے باآسانی فولادی ہتھکڑی کے ساتھ ہی نو دو گیارہ ہو گیا اور پولیس والوں کو
خبر تک نہ ہوئی۔

سچل تھانے کی پولیس نے ڈکیتی کے مقدمہ میں ملزم کو گرفتار تھا۔ واقعہ پر پولیس حکام کا کہنا ہے کہ وہ
تحقیقات کر رہے ہیں کہ ملزم کس طرح بھاگنے میں کامیاب ہوا۔

غفلت برتنے پر سیکیورٹی پر معمور اہلکاروں کے خلاف کارروائی کی جائے گی۔ عدالتی کارروائیاں کور کرنے
والے صحافیوں کا کہنا ہے کہ کہ عدالتوں سے جتنے بھی قیدی فرار ہوئے ان میں سے 99.9 فیصد واقعات میں
پولیس اہل کار ہی ملوث پائے گئے ہیں۔

عدالتی احاطے میں بھی ملزمان کے ہتھکڑی لگی ہوتی ہے جس کا ایک سرا پولیس اہل کار کے ہاتھ میں
ہوتا ہے پھر کیسے ممکن ہے کہ فرار کی پولیس والوں کو علم نہ سکے؟


شیئر کریں: