جولائی میں دسویں کے فوری بعدنویں،اگست میں بارہویں کےبعدفرسٹ ائر امتحانات کا فیصلہ

شیئر کریں:

سندھ میں جولائی میں دسویں کے فوری بعد نویں اور اگست میں بارہویں کے فوری بعد فرسٹ ائر کے امتحانات ہوں گے۔میٹرک اور انٹر میں اختیاری مضامین میں فیل طلبہ کوپاس کردیا جائے گا۔پہلی سے آٹھویں جماعت کے امتحان کی تاریخ اسکول خود طے کریں گے۔
وزیر تعلیم سندھ سعید غنی کی زیر صدارت محکمہ تعلیم کی اسٹیئرنگ کمیٹی کےاجلاس میں طے پایا کہ رواں سال میٹرک اور انٹر میں پریکٹیکل کے امتحانات تھیوری امتحانات کے بعد لئے جائیں گے۔پریکٹیکل امتحانات اپنے اپنے اسکولز اور کالجز میں ہوں گے۔ میٹرک اور انٹر میں اختیاری مضامین میں اگر کوئی طالبعلم فیل ہوتا ہے تو اس کو پاسنگ مارکس دئیے جائیں گے۔ لازمی مضامین کے مارکس اختیاری مضامین کے مارکس کی بنیاد پر ملیں گے۔امتحانات کے پینتالیس روز کے بعد پہلے مرحلے میں دسویں اور بارہویں کے نتائج کا اعلان کیا جائے گا۔ جس
کے بعد نویں اور گیارہویں کے نتائج کا اعلان ہوگا۔پہلی سے آٹھویں تک کے امتحانات اسکولز میں ہوں گے اور اس کی تاریخ کا اعلان اسکول اپنے طور پر کرسکیں گے۔


شیئر کریں: