کراچی میں آٹے کاٹرک لوٹنےکی کوشش 2 ڈاکو ہلاک

شیئر کریں:

کراچی میں کورنگی صنعتی ایریا میں اسسٹنٹ کمشنر لانڈھی کےگن مین نےاسٹریٹ کرائم کی واردات ناکام بنا دی ۔ سرکاری گن مین کی فائرنگ سے دو ڈاکوہلاک اور دو فرار ہوگئے۔ پولیس کوحاصل ابتدائی معلومات کےمطابق اسٹنٹ کمشنر کےدفتر کےگیٹ کےسامنے ایک سستا آٹا فروخت کرنےوالا ٹرک موجود تھاجہاں چار ڈاکوں نے ٹرک پر چڑھ کر لوٹ مار کرنے کی کوشش کی تودفترمیں موجود گن مین نے ڈاکوؤں پر فائرنگ کردی۔فائرنگ کے نتیجے میں ایک ڈاکوہلاک جبکہ دوسرازخمی ہوا۔ اس ہی دوران دو ڈاکو فرار ہونےمیں کامیاب ہوگئے۔ زخمی ڈاکو کو اسپتال منتقل کیا جا رہا تھا کہ وہ بھی دم توڑ گیا۔ ہلاک ملزمان کے قبضے سے اسلحہ، خنجر اور موٹرسائیکل برآمد ہوئی ہے جبکہ فرار ہونے والے ملزموں کی تلاش شروع کر دی گئی ہے۔


شیئر کریں: