پنجاب کے اب بڑے شہر ہی نہیں گاؤں بھی چمکا کریں گے نگران پنجاب حکومت نے یوم آزادی پر دیہات کے
لوگوں کے لئے بڑے تحفے کا اعلان کر دیا.
وزیراعلی محسن نقوی نے پنجاب کے دیہات میں شہروں کی طرز پر صفائی کے بڑے پروگرام کا آغاز کردیا.
وزیر اعلی نے شرقپور کے گاؤں قلعہ شریف کے اب گاؤں بھی چمکا کریں گے پروگرام کا باقاعدہ آغاز کر
دیا گیا ہے.
پروگرام کے تحت پنجاب کی تاریخ میں پہلی بار دیہات کو بھی شہروں کی طرز پر صفائی کا عملہ اورسہولیات
مہیا کی جائیں گی۔
پروگرام کے تحت شہروں کی طرز پر دیہات میں بھی کمپیوٹرائز برتھ سرٹیفکیٹس، ڈیتھ سرٹیفیکٹس اور میریج
سرٹیفیکٹس کی سہولیات میسر ہوں گی۔
دیہات کی صفائی کے لیے یونین کونسل کی سطح پر جدید مشینری مہیا کی جائیں گی۔ انشاء اللہ دیہات کا سب سے
بڑا صفائی اور سینی ٹیشن کا مسئلہ اس پروگرام سے حل ہوجائے گا-
محسن نقوی نے کہا وطن سے محبت کا تقاضہ ہے کے ہم اسے صاف ستھرا رکھیں- دین اسلام نے صفائی کو نصف
ایمان قرار دیا ہے. اس پروگرام سے گندگی سے پھیلنے والی بیماریوں کا تدارک ہوگا-
کوشش ہو گی کہ ہر گاؤں چمکے۔ یہ پروگرام بہت عرصے سے رکا ہوا تھا۔ 15 روز میں تمام گاؤں میں چوکیدار
اور صفائی کا عملہ مہیا کر دیا جائے گا۔ گاؤں کی کمیٹیاں پروگرام پر عملدرآمد یقینی بنائیں گی۔
وزیر اعلی محسن نقوی نے پروگرام شروع کرنے پر لوکل گورنمنٹ کی پوری ٹیم کی کارکردگی کو سراہا.
وزیر اعلی کو بریفنگ میں بتایا گیا کہ ہر یونین کونسل کو سینٹری ورکرز مہیا کیے جائیں گے۔ کوڑا تلف کرنے
کے لیے مقامی افراد کی مشاورت سے مقامات کا تعین کیا جائے گا۔
پروگرام کے تحت گلیوں اور نالیوں کی باقاعدگی سے صفائی کو یقینی بنایا جائے گا۔ پروگرام کامیاب بنانے کے
لیے مقامی افراد پر مشتمل ویلیج کمیٹیاں بنائی جائیں گی۔ 2468یونین کونسلز کو صفائی کی سہولیات مہیا کی
جائیں گی۔ صفائی اور سینی ٹیشن پروگرام کے لئے چھوٹے گھروں سے فیس وصول نہیں کی جائے گی-
لوکل گورنمنٹ نے وزیر اعلیٰ محسن نقوی کو ”اب گاؤں چمکیں گے ” پروگرام پر تفصیلی بریفنگ دی.
صوبائی وزراء منصور قادر۔ عامر میر۔ مشیر وہاب ریاض۔ چیف سیکرٹری۔ انسپکٹر جنرل پولیس۔ کمشنر لاہور
ڈویژن اور گاؤں قلعہ شریف کے رہائشیوں کی بڑی تعداد نے تقریب میں شرکت کی.
پنجاب کے اب گاؤں بھی چمکیں گے، محسن نقوی کا بڑا فیصلہ
