لاہور میں “ون روف ون اسٹاپ” سلوشن سینٹرز

وزیراعلی پنجاب سید محسن رضا نقوی کی زیر صدارت ون ونڈو آپریشن کے قیام کے سلسلے میں خصوصی
اجلاس ہوا جس میں سرمایہ کاروں اور صنعتکاروں کے لئے “ون روف ون اسٹاپ” سلوشن پر تجاویز کاجائزہ
لیا گیا.
فیڈمک،پیڈمک اورپنجاب سمال انڈسٹریز کارپوریشن ون ونڈو آپریشن سنٹر میں سروسز فراہم کریں گے. لوکل
گورنمنٹ، ماحولیات،ہاؤسنگ اوردیگر محکموں کے بااختیار افسران ون ونڈو سنٹر میں موجود رہیں گے.
لیسکواورسوئی گیس کے کاؤنٹر بھی ون ونڈو سنٹر میں قائم کئے جائیں گے. ون ونڈو سنٹر میں اراضی انتقال،
نقشہ پاس کرنے او رماحولیات کے این او سی کی سہولیات میسر ہوں گی.
ون ونڈوسنٹر کے کاؤنٹر کے افسران درخواست دہندگان کا فارم خود پرکریں گے. ون ونڈو سنٹر پر آپریشن 5مراحل
میں مکمل کیا جائے گا.
10دن کے اندر کارروائی مکمل نہ ہونے پر متعلقہ سیکریٹری کے ڈیش بورڈ پر سرخ نشان نمودار ہو جائے گا.
ون ونڈو سنٹر کے لئے آپریشنل ریویو کمیٹی اور اسٹیئرنگ کمیٹی بھی قائم کی جائے گی.
اجلاس میں صوبائی وزیر صنعت وتجارت ایس ایم تنویر،چیف سیکریٹری، سیکرٹریز انڈسٹریز،خزانہ،ماحولیات،
لوکل گورنمنٹ، ہاؤسنگ،جنگلات،ڈی جی ایل ڈی اے،چیئرمین پنجاب انفارمیشن ٹیکنالوجی بورڈ، چیف ایگزیکٹو
آفیسر فیڈمک اور متعلقہ حکام بھی شریک ہوئے.