سندھ کے عوام کو پیپلزپارٹی سے نجات دلانے کا عزم

پاکستان مسلم لیگ فنکشنل سندھ کے جنرل سیکریٹری جی ڈی اے کے اطلاعات سیکریٹری سردار عبدالرحیم نے
کہا ہے کہ پندرھ سالوں سے سندہ کی معیشت کو تباھ کردیا گیا ہے. اسکولوں میں فرنیچر اور استاد نہیں، مہنگائی،
صحت کی سہولتوں اور پیٹرول کی بھڑتی ہوئی قیمتوں‌ نے عوام کا برا حال کر رکھا ہے.
انہوں نے کہا کہ نیب قوانین پر عمل کرنے کی ضرورت ہے،سابق چیف جسٹس کے فیصلے کی حکومت حمایت
کرے، سندھ میں مرضی کی تقرریاں اور تبادلے کیے جارہے ہیں. انتخابی عمل میں مدد کرنے کے لیے آصف
زرداری کے خاص افسر اضلاع میں مقرر کیے جارہے ہیں.
ان خیالات کا اظہار سرار رحیم نے حیدرآباد پریس کلب میں نیوز کانفرس کرت ہوئے کیا. اس موقع پر عبدالکریم
شر،وقار حسین جٹ،امیر علی تھیبو،چوھدری ظفراللہ،رفیق مگسی اور دیگر موجود تھے.
سردار عبدالرحیم نے کہا ادارے مضبوط کیے جائیں جن سے عوام کی زندگی میں آسانیاں آئیں. جی ڈی اے چاہتی
ہے کہ ملک میں صاف شفاف انتخابات ہوں اگر صاف شفاف انتخابات نہیں ہوئے تو مقصد پورا نہیں ہوگا۔
جہموریت کو بحال کرنے اور عوام کو بنیادی حقوق کے انتخابات کا صاف شفاف ہونا ضروری ہے. نگران حکومت
مہنگائی کی ذمہ دار نہیں سابق حکمرانوں نے آئی ایم ایف سے معاہدے کیے جو عوام کو بھگتنا پڑ رہے ہیں.
انہوں نے کہا چند خاندانوں کو ملک کا مالک و مختار بنا دیا گیا ہے جنہوں نے قومی خزانے سے کھربوں روپے
لوٹ لیے. بدقسمتی سے ہمیں کوئی امید کی کرن دیکھائی نہیں دے رہی. مہنگائی ختم ہونے اور معیشت میں‌ بہتری
کی کوئی امید نہیں.
یہی نہیں‌ کرپٹ حکمران نیب میں اپنی مرضی کی ترامیم کرتے ہیں اور کرپشن کرکے ملک سے فرار ہوجاتے ہیں.
انہوں نے کہا شفاف انتخابات کے لیے دوسرے صوبوں کے افسران کو سندھ میں مقرر کیا جائے. جی ڈی اے نے
الیکشن کمیشن کے سامنے واضح مؤقف رکھا ہے کہ عدلیہ سے افسران مقرر کیے جائیں.
جی ڈی اے نے 2018 کے عام انتخابات میں دوسرے نمبر پر سب سے زیادہ ووٹ حاصل کیے. نتائج تبدیل کرنے
کے باوجود جی ڈی اے نے 14 سیٹیں حاصل کیں.
سردار رحیم نے عوام کو پیپلز پارٹی سے نجات دلانے کی نویت سناتے ہوئے کہا کہ سندھ کو اس جماعت سے
چھٹکارا دلانے کے لیے جی یو آئی اور جی ڈی اے میں اتفاق ہوا ہے. انتخابات میں پیپلزپارٹی کو تنہا کردیں گے. آخر
مین ایک سوال پر سردار رحیم نے کہا قیدی نمبر 804 کے بعد اگر ملک میں‌ کسی کی مقبولیت ہے تو وہ کوئی اور
نہیں سائرہ بانو ہیں.