دورۂ آسٹریلیا کے لیے پاکستان کی اٹھارہ رکنی ٹیسٹ ٹیم کا اعلان کر دیا گیا ہے. 14 دسمبر سے 7 جنوری کے درمیان تین ٹیسٹ
میچوں کی سیریز کے لیے صائم ایوب اور خرم شہـزاد پہلی بار ٹیسٹ ٹیم میں شامل کیے گئے. میرحمزہ، محمد وسیم جونیئر اور فہیم
اشرف کی ٹیم میں واپسی ہو گئی.
شان مسعود ( کپتان ) عامرجمال، عبداللہ شفیق، ابرار احمد، بابراعظم، فہیم اشرف، حسن علی، امام الحق، خرم شہزاد، میرحمزہ، محمد رضوان،
محمد وسیم جونیئر، نعمان علی، صائم ایوب، سلمان علی آغا، سرفراز احمد، سعود شکیل اور شاہین شاہ آفریدی شامل ہیں۔
ٹریننگ کیمپ کے لیے چند اضافی کھلاڑی ارشد اقبال، کاشف علی، شاداب خان، شاہنواز دھانی، محمد نواز، عثمان قادر اور اسامہ
میر کو بھی طلب کیا گیا ہے۔
گزشتہ ہفتہ چیف سیلکٹر بننے والے وہاب ریاض نے ٹیم کا اعلان کیا. وہاب ریاض کہتے ہیں ٹیم آسٹریلیا کی چیلنجنگ کنڈیشنز
مد نظر رکھتے ہوئے منتخب کی ہے۔ بائیں ہاتھ کے بیٹسمین 34 سالہ شان مسعود پہلی بار ٹیسٹ ٹیم کی قیادت کررہے ہیں۔
انہیں ورلڈ ٹیسٹ چیمپئن شپ25-2023 کے لیے قیادت کی ذمہ داری بابراعظم کی جگہ سونپی گئی ہے جو گزشتہ ہفتے
ٹیسٹ کپتانی سے دستبردار ہوگئے تھے۔
پاکستان نے آئی سی سی ورلڈ ٹیسٹ چیمپئن شپ کا آغاز اس سال سری لنکا میں جیت سے کیا ہے. امید ہے ٹیم آسٹریلیا
میں بھی اس مومینٹم کو برقرار رکھے گی۔ پاکستان کا اسکواڈ 22 نومبر کو ٹریننگ کیمپ کے لیے راولپنڈی میں جمع ہوگا یہ
کیمپ 23 سے 28نومبر تک پنڈی اسٹیڈیم میں جاری رہے گا۔ ٹیم 30 نومبر کو لاہور سے روانہ ہوگی۔
ٹیسٹ سیریز کا شیڈول
پہلا ٹیسٹ ۔ 14 سے18 دسمبر، پرتھ
دوسرا ٹیسٹ ۔ 26 سے 30 دسمبر، میلبرن
تیسرا ٹیسٹ ۔ 3 سے7 جنوری، سڈنی